MECHI ZA USIKU ZA LIGI KUU ZARUDISHWA TAIFA

Shirikisho la soka nchini (TFF) limesema kuwa mechi zote za Ligi Kuu Tanzania Bara zilizokuwa zichezwe usiku kabla ya kurudishwa saa 10 jioni kwenye Uwanja wa Taifa,Dar es Salaam zitaendelea na ratiba ya awali kama inavyoonesha kwenye ratiba.

Baada ya kushauriana/kujadiliana na mmiliki wa Uwanja wa Taifa,changamoto zilizosababisha mechi hizo za saa 12 jioni na saa 1 usiku kurudishwa saa 10 imeshughulikiwa na kumalizwa.

Hivyo mechi zote zilizopo kwenye ratiba ya kuchezwa usiku zitaendelea kama zinavyoonesha kwenye ratiba.